El saıasatynyń bir ustanymy – jasyl ekonomıka ekeni belgili. Búginde bul baǵytta qolǵa alynyp jatqan aýqymdy bastamalar az emes. Árıne atalǵan memlekettik saıasattyń astarynda balamaly elektr kózderin shyǵarý arqyly, jaryqqa táýeldilikti joıý jatqany belgili. Sondyqtan Jambyl óńiri de buǵan jeń túre jumyldyrylǵan dep jazady Qamshy.kz aqparat agenttigi. Búgingi kúni oblysymyzda «jasyl ekonomıkany» damytý jumystary kezeń-kezeńimen júzege asyrylýda. Birinshisi Energıany únemdeý jáne energıa tıimdiligin joǵarylatý. Ekinshisi Elektroenergetıka salasyn damytý. Úshinshisi Aýa lastanýyn azaıtý. Tórtinshisi Sý resýrstaryn tıimdi paıdalaný. Besinshisi Aýyl sharýashylyǵyn jańǵyrtý. Altynshysy Qaldyqtardy basqarý jáne jetinshisi Ekojúıelerditıimdi basqarý.

Energıa únemdeý jáne energıa tıimdiligin joǵarylatý baǵytynda

óńirlerdi damytýdyń 2020 jylǵa deıingi baǵdarlamasy boıynsha 2011-2017 jyldary jalpy 4,5 mıllıard teńgege 280 kóppáterli turǵyn úı jóndelgen.

RB bólingen (2011-2015 jj.) 2,4 mıllıard teńgege 172 úı jańǵyrtylǵan.

Qaıtarymdy qarajat esebinen (2013-2018 jj.) 1,7 mıllıard teńgege 93 úı jóndelip, sapaly jumystar atqaryldy.

Jergilikti búdjet esebinen (2018 j.) 320,0 mıllıon teńgege 15 úı jóndeldi. 2018 jyly qaıtarym qarajat jáne jergilikti búdjet esebinen barlyǵy 39 úı jóndeýden ótip, jóndeýdi qajet etetin úılerdiń úlesi 23 paıyzdan 20,5 paıyzǵa tómendedi.

Kúrdeli jóndeý jumystary barysynda úıdiń shatyryn, kireberisin, jertólesin, qabyrǵasyn jylytý jáne oqshaýlaýda termojańǵyrtý elementteri qoldanyldy.

Oblys boıynsha kóshe jaryǵynyń (jalpy uzyndyǵy 1123 shaqyrym nemese 32 500 dana shamdardy quraıdy, onyń ishinde 212 shaqyrym nemese 7 825 danasy) 24,1 paıyz energıa únemdeý shamdaryna aýystyrylǵan.

Mine, osylaısha júıeli jumys óz jemisin berýde. Árıne Óńirlerdiń damytý memlekettik baǵdarlamasy aıasynda kópqabatty úıler jóndelip, turǵyndardyń qýanyshyn eselep jatqany qýantarlyq nárse. Sondyqtan baıandy bastamanyń bolashaǵy anyq bolǵaı dep tileımiz. Jáne oblys ortalyǵyndaǵy bul baǵyttaǵy jumystar tek jurtshylyqtyń yryzdyǵyna aınalyp, jaqsylyǵyna jumsalsyn. Sonda ǵana keleshegimizdiń kemeli bolmaq.